أضحى سعيد

كل عام والجميع بخير
أضحى سعيد

غلطة وندمان عليها

كان من الصعب علي بمكان استيعاب هذا التغير الهائل الذي طرأ على الشركة منذ تركتها العام الماضي حتى الآن
ولعل من أصعب الأمور أن يتذكر الانسان الأشياء السيئة لدى رفاق العمل القدامى
أتيت إلى العمل اول يوم بروح جديدة وكنت معتقدة ان هؤلاء الناس تغيرو
ولكن للأسف كنت مخطئة خطأ جسيما
اعترف به

غلطة وندمان عليها


لازال نوني يحيك المؤامرات والدسائس ليوقع "أصحابه"
وللأسف فهو يحفر الحفرة لأخيه ولا يقع فيها
لحد الآن على الأقل
استطعت أن أحصر عددا لا بأس به من كذباته اللامتناهية
وهو يجلس واضعا ساقا على ساق ويبدأ حديثا "يعتبره هو مشوقا"يستفيض فيه بمدى استغلال تنتون لمقدراته ومواهبه (الفذة)في العمل
بينما هو يقضي غالبية الوقت في البوفيه يشرب فناجين قهوته المتتالية ويتحدث في الهاتف مطولا ولا تنسو السجاير ورائحة الدخان العابقة في غرفتي بسببه
آآآآآآآآآآآآآآآآآآه
لن أطيل عليكم الحديث
لكني ماعدت أطيقه
وأتمنى مرور هذا الشهر بسرعة
كي نتخلص منه
ويسافر بالسلامة
غير مأسوف عليه

سوزان تميم....ماذا بعد؟؟؟

بعد القراءات الطويلة والمواضيع الكثيرة التي كتبت بعد رحيلها
قررت ألا أعود لقراءة أي شيء عن الموضوع ...وأنا أحس بالصدمة بعد رؤية صور صباها وجمالها الخارق
أعصابي تعبت بجد وانا بتخيلها بتقاوم الموت في اللحظات الأخيرة
وحتى اني صرخت في وجه زوجي مرة عندما دخل البيت فجأة من خوفي الشديد من موضوع القتل هذا
وكل ما حدث كوم
وأن أفاجأ بصورتها مقتولة فعلا في أحد المدونات كوم تاني
ليست مقتولة بل ممزقة
واطفئ الكمبيوتر واقسم انني لن أعود للقراءة مرة أخرى
ارحمونا

والعود أحمد

زمااااااااااااااااان يا مدونتي الجميلة

وصحابي القدام

تطورات حدثت في السنة الماضية ولم أستطع الدخول إلى حسابي في البلوجر طيلة الايام الماضية

تصورو اني رجعت للعمل عند تنتون وتنتن

واعجبي

لما زهقو من الناس الهبل اللي كانو بيجيبوهم وما بيعرفوش يشتغلو نفس الشغل اللي انا كنت ماسكاه

اتصلو بي

وقالولي تعالي ....تعالي واللي انتي عايزاه نديهولك

عجايب يا زمن

دلوقتي اوضة لوحدي بحمامها

كل أوامري مجابة

الحمدلله...الحمدلله...الحمدلله

قادر على كل شيء يا رب

عيد ميلادي

مرحبا للكل
ميرسي للتعليقات واللي كتبولي في الشات بوكس
انا اليوم ببيت ناس قرايبي
صراحة بالصدفة دخلت النت وان شاء الله قريبا رح يصير عندي بالبيت كمبيوتر

بس حبيت اقول انو عيد ميلادي بعد يومين

تعالو باركولي هنا في البلوج

وبقول هاي كبيرة اوي لاميرة
واحشاني يا عسل

غياب قد يطول

آمل الا يطول غيابي عن العالم الافتراضي

لكني منقطعة عن التدوين لفترة غير معروفة

وذلك بسبب عدم وجود كومبيوتر عندي في البيت

ولاني ح غير شغلي اليومين دول

ادعولي بالتوفيق انا جاني جواب التعيين النهاردة

عقبال عند العايزين

اشوفكم على خير ان شاء الله

متنسوش تدعولي

سلام

حبيبي

تناهى العشق فيكم واشتياقي

فعدني باللقاء أيا حبيبي

ببابك سيدي كان التلاقي

فهل لي عودة بين الغيوب

وهل لي زورة قبل المنايا

وهل لي دعوة هل من نصيب




صلى الله على محمد
صلى الله عليه وسلم
ربنا يوعدنا بزيارتو وشفاعتو
يارب

نجحت.....والله العظيم نجحت

يووووووووووووووووووووووووبي





هيييييييييييييييييييييييييييييييييييييه
وييييييييييييييييييييييييييييييييييييي


نجحت اخيرا في امتحان السواقة

زغرطي يللي انتي مش ويانا


الحمدلله
الحمدلله
الحمدلله

مرسيدس الجميلة

يمكن غالبية الناس تعتبر اللي انا فيه عبط
بس المدونة مقفولة تلات ايام حداد على


مرسيدس


القطة الصوغنونة الجميلة بتاعة اميرة البلطجية

شغل جديد

جالي عرض شغل هايل جدا مبارح والحمدلله
واللي مش عارف الحكاية ممكن يعرفها من بوستات قديمة
زي ده
او ده




عارفين بأى لما الواحد يحس ان الفرصة جاتلو ومش عايز يضيعها

وفي نفس الوقت قلقان جدا وخايف من المسؤولية الجديدة والوضع الجديد


ده انا حتى بفكر ما اقبلش العرض خالص

يا ريت تسعفوني بنصيحة

او بأي حاجة

اتكلمو

عبرو كل واحد عن رأيو

مش عايزة احس اني بفكر لوحدي

عشان طلبوني ابدأ معاهم من اول ابريل

قلقانة اوي وخايفة

يا رب دلني عالطريق الصح

براءة الأطفال

بفكر

ليه مش بنحس ببهجة الحاجات الصغيرة اللي كانت بتفرحنا

ليه العيد بقى بيعدي علينا ولا منحس لو طعم

ليه ما بقتش عنينا بتلمع زي العيال الصغيرة لما نتابع افلام كرتون

ليه السهر بقى بيتعبنا بدل ما يكون اهم حاجة ممكن اننا نحارب مامتنا عشانها

ليه منخاف اوي من الموت

ليه نغلط ونخبي

ونضيع حاجات حلوة كتير

ونموت روحنا عشان الفلوس

وممكن ندوس على اقرب الناس

كل ده




بس عشان

فقدنا البراءة اللي كانت فينا لما كنا صغيرين

فقدنا العفوية اللي كنا بنتعامل بيها مع الدنيا

فقدنا شفافية قلبنا

وضي كان يلمع في عينينا لمجرد اننا نشوف بابا جاي وفي ايدو حاجة حلوة


يا ترى ح نقدر نحس الشعور الحلو ده تاني


والا خلاص؟؟؟؟

برررررررررررررررد

دور برد مللي هو

كبس على نفسي من مبارح

اشوفكم على خير

باي باي بأى

عالم عيال عيال

الحكاية وما فيها اني ماكنتش عارفة ايه يعني العيال
لغاية ما جربت اني لحد دلوقتي ما عنديش
بحس اني مخنوقة طول النهار
عيال ايه يا شيخة تمتعي بحياتك.....قالتلي جارتنا اللي عندها خمسة بعيون العدو
لكن انا مابقيتش قادرة
حاسة ان البيت كبير علي انا وجوزي بس
وناس كتير اتجوزت بعدي وبقا عندهم اطفال
والشاطر فيهم بيقول
يللا مستنين ايه؟ شدو حيلكو وهاتولنا حتة عيل
هو بيتباع بالحتة في السوبرماركت واحنا مش عايزين نجيبو؟؟؟؟
حد يجاوبني يا ناس
لا و اهلو مش بيطيقو يقعدو معايا غير اما يسمعوني الموشح اياه
وارد واقولهم اصلو هو عايز كده (احنا اتفقنا نقول كده عشان ما يدايقونيش)
ماترديش على جوزك ...يا ستي ماردش عليه ازاي بس؟؟
وعلموبنات اختو الصغيرين يقعدو ويسمعوني النشيد الي حفظتهولهم التيتة المصونة
عايزين بيبي نلعب معاه
انتي مش عايزة تجيبيلنا بيبي زي ماما ليه يا طنط؟
بثي (يعني بصي) ماما فيه جوا بطنها بيبي وح تجيب لنا اخ نلعب معاه
ما تجيبي لنا انت كمان (الموضوع سهل اوي كده)
بقعد في الاوضة لوحدي وبعيط
مش عارفة اهدي نفسي ازاي
ولا عارفة اشيل الموضوع من بالي
ولا قادرة اصلا اشوف واحدة حامل في التلفزيون الا واعيط
واديني ابتديت اعيط دلوقتي اهوه
يااااه انا تعبت بجد
يا رب ارزقني بقى
ادعولي

تحديث

عيال...انا لقيت كليب حلو اوي
رفع روحي المعنوية جدا

شكرا ليكي يا انسانة

سنة هجرية جديدة وسعيدة

كل عام والكل بخير

وتنعاد عليكم كل سنة وتكونو طيبين

يارب

جامد أوي يا جوجل ....لا فعلا جامد أوي

الجوجل بيثبت من تاني انو احسن مترجم من العربي للانكليزي اون لاين
جرب تترجم كلمة يقدر من الانكليزي للعربي وشوف ح يحصل ابه
 

لحد هنا وبس

على رأي طاهر : هو كان استعباد؟
خلاص انا الجنونة طلعت في دماغي ومش قاعدالهم في المخروب ده يوم بعد كده
وقال ايه تنتن بيه عشان اتأخرت عشر دقايق الصبح يعمللي هليلة وسين وجيم وجيتي ايمتى ومن ايمتى بتتأخري كده ومن الكلام اللي يفقع المرارة ده كلو
يكونشي فاكرني اتأخرت عالليموزين الفاخرة اللي ببيعتهالي ننوس امو تاخدني ملبيت كل يوم الصبح
ده انا مش لاقية مواصلات
لا وهو اول ما اتفقنا عالشغل كان بيقوللي وح نجيب سيارة للشركة وح تاخدك وتجيبك
وكلام من بتاع الهجايص اللي بيقولهولي كل ما جت مناسبتو
ولا سيارة شركة ولا نيلة
انا لازلت من اكتر من سنة بجي لوحدي ومن غير حتى بدل مواصلات
وتقولو فلوس يقوللك دي شركة صغيرة واحنا لسه باديين يا شيخ روح اتنيل
بس بصراحة ما استحملتوش زي المرات اللي فاتت وانفجرت في وشو
انا حسيت انو انصدم وما كانش عارف يوقف سيل الكلام اللي كنت بقولو
الحاجة الوحيدة اللي فلح يقولهالي
طيب نتكلم بعدين وقفل السكة
وعنك ما اتكلمت
والله لوماكنتش راجعة من الحج لسه من يومين كنت عرفتك مقامك
يا روح امك


تحديث :
جوزي بيصبرني وبيقوللي معلش لو اشتغلتي في حتة تانية برده ح يكون فيه مشاكل
ما ترديش عليه, دي ظروفك , وتجيبي مواصلات منين من صباحية ربنا يعني؟
لما المدهول جه المكتب الساعة عشرة الصبح
وبيعيد على وداني نفس الاسطوانة بتاعة اتاخرتي ليه
صدرت لو الوش الخشب
مش ناقصني مصايب
هي مرارة وحدة معنديش غيرها
قولولي اعمل معاه ايه؟؟؟؟

انا رجعت اهوه

رجعت من الحج بالسلامة والحمدلله
دعيت للكل ولكل اللي وصوني بدعاء سبيشال
عايزة اقرا كل اللي كتبتوه
وحشتني مدوناتكم

الاتنين احلى من بعض

حفل ختام دورة الالعاب الاسيوية لم يقل اهمية عن حفل الافتتاح رغم اننا اعتدنا ان دورات الالعاب بشكل عام تختتم بحفل بسيط
الا ان هذا جاء مبهرا براقا وتكاد لا تستطيع ازاحة عينيك عن الشاشة عند عرضه
علاء الدين والمصباح السحري
علي بابا والاربعين حرامي
السندباد
اساطير تجسدت بأساطير حية
لا نستطيع الحكم هل كان الافتتاح اقوى ام الختام
الاتنين احلى من بعض
برافو قطر

أقوى أفلام العيد...العب العب

ايه المسخرة اللي بيعملها (الفنان) الصغير ده؟؟؟؟
كل الناس شافت حصل ايه في افتتاح الفلم بتاع اول ايام العيد وسط البلد
يجي الفنان الصغير بقى وبيقوللك ايه؟؟؟
اقوى افلام العيد
العب العب
ورقص ومياصة وبكيني واخر حلاوة ياعم
ياترى الافتتاح ح يكون فين المرة دي؟؟؟؟؟؟؟

باركولي يا جماعة

ازيكو عاملين ايه؟؟؟
انا مسافرة الحج السنة دي
لسه ماقلتش لتنتون واخوه الرزل لكن دي ح تبقى مفاجأة عمرهم
اولا تنتون مسافر
سامي سابنا مبارح
ميدو مشاكل رايح الحج
وانا حجزت وطالعة

اشوفكم على خير