الجمعة، 8 ديسمبر، 2006

ايه الناس اللي ما بتفهمش اللي بتسمع فيروز والست دي؟؟؟؟؟؟

باستغراب شديد واستنكار جامد ابتدا تنتون الكلام
ياخي ايه الناس اللي بتسمع فيروز دي ؟ مش مكلف نفسو عناء انو يقول عن فيروز دي ست فيروز ولا حاجة
هو اهم من كده
يعني بيعجبهم فيها ايه؟ دي حتى صوتها يجيب الكابة .....اللللله ؟؟؟ الراجل ده بيهلس والا بيتكلم جد؟؟؟
انا كنت سامعاه من الاوضة التانية بيتكلم مع نوني (وده الواد الجديد اللي معانا وحبيب قلب تنتون وصاحبو من زمان )الانتيم
ومسكت اعصابي وما تكلمتش ولا فتحت بقي خالص
بس الموضوع تطور وابتدا الهايف يجيب في سيرة الست (واللي ميعرفوش مين الست دي يعني الست ام كلثوم) وسمعو الكلام اللي في الهجايص بقى
قال ايه ام كلثوم صوتها مش حلو؟؟؟؟ ايه ده بقا؟؟؟؟؟
وقال ايه هو مبيحبهاش ومبيسمعهاش وهي اصلا ما تتسمعش
لحد كده وانا حسيت الجنونة قبت في دماغي وقمت من مكاني
كنت عايزة اروح اضربه
بس اكتفيت باني عملت لي فنجال نسكافيه وقاعدة مروقة ومتجاهلاه تماما وهو لازال بيقبح وبينتور الكلام شمال ويمين
محمود بقا ماسكتلوش
انا اصلا كنت مستغربة انو قاعد ساكت طول النص ساعة اللي فاتت وعقلو الصعيدي مستحمل الوله ده
وبيتكلم في التلفون يمكن ما سمعوش
بس على مين؟؟؟
اتضح انو كان بيتكلم في التلفون وسامع الكلام الجامد اللي الواد كان بيقولو
وانتفض من مكانو كده فجأة وابتدا : لو انت مش فاهم ام كلثوم ما تقولش عليها صوتها مش حلو انت فاهم والا لأ
تنتون ده مدير محمود وممكن بساطة عالكلمة دي يرفدو . ما هو واقف لو على أي غلطة صغيرة بردو
قام تنتون من مكتبو وجه غضبان وسمعتو بصوت عالي بيقول : لو انا مابحبش ام كلثوم فده مش يعني اني ما بفهمش فاهم يا محمود
وابتدا النقاش يسخن
وان كان علي انا كنت فرحانة بيه اوي
ومبسووووووووووووووطه خااالص
اقلها انو كان بيشفي غليلي من تنتون المعفن ده
واشتد النقاش كمان وكمان ووصل السؤال عندي
تنتون : انتي بتسمعي ام كلثوم دي يا فلة؟؟؟
فلة : في كل الاحوال لو انا مفهمتش ام كلثوم مش ح قول عنها مش كويسة ولا صوتها مش حلو هي ممتازة بس ممكن اكون انا اللي مش فاهماها , متقدرش تقول عن كل البني ادمين مبيفهموش يعني
وعلى كده تنتون اكنو اتضرب بسد الحنك وقفل الموضوع ورجع مكتبو عادي
اسمعو النهاردة قال ايه بيسأل نوني
تنتون : الا قوللي يا نوني اقدر الاقي اغاني لفيروز منين عايز انسخ سيدي كامل ليها من الانترنت
عجبي

هناك 3 تعليقات:

maged stephen يقول...

حاولى تتعاملى مع الاخر كما هو

Tulip يقول...

ما بعرف إذا كانت تنتون هو اسم ولا لقب وظيفي ولا لقب اجتماعي ... المشكلة وحدة وهي :

لأني تنتون يجب عليكم انتم :
1. تسكتوا إذا فتحت فمي .
2. تسمعوا إذا حركت فمي .
3. وبالنهاية تقتنعوا او على الاقل تظهروا الاقتناع وإذا بيكون مع القليل من الإعجاب فبيكون افضل

ولأني تنتون وبالمقابل يجب علي انا تنتون :
1. افتح فمي بكل شغلة على الفاضي والمليان .
2. احرك فمي لاطول مدة ممكنة حتى تسمعوا .
3. وبالنهاية ما يعجبني رأيكم حتى احمسكم وادفعكم على الاقتناع .

يا ترى لو كنا انا وانت لا بنشوف ولا بنفهم .. يمكن كان اريح .. بس المشكلة مو عنده المشكلة انو نحن بنشوف الغلط يلي بيصير معنا ويلي بيصير مع غيرنا. بس

فلة يقول...

ماجد ستيفن
شكرا على التعليق يا ذوق
وبحترم رأيك جدا عشان انت اول حد يعلق في البلوج عندي
بس يا سيدي الكلام مفيش اسهل منو
ولو ما كنتش مرتاح مع الناس اللي ح تتعامل معاهم كل يوم ح تبقى متدايق فعلا
ربنا ما يوقعك في ايدين تنتون وتنتن اللي بحكيلكم عنهم دول




السيد تيوليب
شكرا عالتعليق اللطيف
وشكرا لانك عارف انا حاسة بايه