جالي عرض شغل هايل جدا مبارح والحمدلله
واللي مش عارف الحكاية ممكن يعرفها من بوستات قديمة
زي ده
او ده
عارفين بأى لما الواحد يحس ان الفرصة جاتلو ومش عايز يضيعها
وفي نفس الوقت قلقان جدا وخايف من المسؤولية الجديدة والوضع الجديد
ده انا حتى بفكر ما اقبلش العرض خالص
يا ريت تسعفوني بنصيحة
او بأي حاجة
اتكلمو
عبرو كل واحد عن رأيو
مش عايزة احس اني بفكر لوحدي
عشان طلبوني ابدأ معاهم من اول ابريل
قلقانة اوي وخايفة
يا رب دلني عالطريق الصح
واللي مش عارف الحكاية ممكن يعرفها من بوستات قديمة
زي ده
او ده
عارفين بأى لما الواحد يحس ان الفرصة جاتلو ومش عايز يضيعها
وفي نفس الوقت قلقان جدا وخايف من المسؤولية الجديدة والوضع الجديد
ده انا حتى بفكر ما اقبلش العرض خالص
يا ريت تسعفوني بنصيحة
او بأي حاجة
اتكلمو
عبرو كل واحد عن رأيو
مش عايزة احس اني بفكر لوحدي
عشان طلبوني ابدأ معاهم من اول ابريل
قلقانة اوي وخايفة
يا رب دلني عالطريق الصح
هناك 16 تعليقًا:
روحي جربي
وماتضيعيش وقت
بس خلاص
الف مبروك ربنا يوفق
ثقي في قدراتك و ركزي و خليكي نشيطة و ايجابية و حتبقى ممتازة ان شاء الله
أي عمل مهما كان بسيط له أهميته .. يعني كده كده دي مسؤولية ..
الخوف اللي انتي فيه لو خوف من التغيير أو انها حاجة جديدة دا طبيعي بس اللي .. مش طبيعي انك تستسلمي للخوف دا.. أكيد علي مدار حياتك (الطويلة ان شاء الله ) هاتختبري حاجات جديدة كل شوية .. الفكرة بس تحسبيها صح ..بالورقة والقلم والارتياح النفسي ان العمل دا لو استمريتي فيه فترة طويلة من ةحياتك مش هاييجي وقت وتحسي انك ماحققتيش ذاتك ..
فكري كويس .. أتمني اكون أفدتك .. وان شاء الله خير
كل شغل مميزات و عيوب و لازم فى عيوب للشغل الجديد قارنيها بموضوعيه مع القديم مش بالعواطف
توكلي علي الله
صلى استخارة
وامشى فى الموضوع
حتندمي ع الحاجات اللي معملتهاش اكتر من ندمك على اللي عملتيه
انتي قدها وقدود
بتفكرينى بنفسى يا فلة انا اول لما اتخرجت
انت فكرتينى بنفسى اول مرة اشتغلت بعد لما اتخرجت على طول كنت فرحانة اوى و مش فى بالى بقى لا مسؤلية ولا خايفة ولا اى حاجة خالص و فوجئت بعد لما كتبت العقد ان الراجل صاحب الشغل راح مطلعلى ورقة فيها الشغل اللى انا هعملو و كان كاتبة فى 22 نقطة انا شفت الورقة جالى السكتة القلبية بس قلت انا هدبس نفسى و اللى يحصل يحصل و بعد كدة لقيت الموضوع بسيط و عبيط خالص و الشغل كان عبارة عن حاجتين او 3 حجات من اللى مكتوب فى الورقة بس هو خلاهم 22 يعشان يحسسنى ان الشغل مهم و كتيير و بس
ربنا يوفقك يا حببتى و لازم تعرفى ان همة اللى عايزينك مش انتى اللى عايزاهم
احمدسلامة
ميرسي لانك اختصرت كل اللي عايزاه يتقاللي
سمباتيك اللذوذة
شرفتيني يا عسولة
يشرفني ثقتك الغالية اوي على قلبي
شادي
على العكس تماما
العمل اللي معروض علي هو اللي حاساه ح يحققلي ذاتي فعلا ان شاء الله
بس مش عارفة ليه مترددة
اصل جالي عرض تاني بعد البوست ده بيومين
والدوام اقل بكتير
طبعا بحكم مانا متجوزة وعندي بيت
افضل العرض التاني اكتر بكتير
بس المرتب هو المشكلة
ربنا يصلح الحال ويدلني مش بقوللكم محتارة اوي
بلانك سوكراتيز
المقارنة دلوقتي مش بين الشغل اقديم والجديد
بل بين شغلين جداد معروضين علي
والاجمل من ده كلو
ان فيه عرض تالت استلمتو بس النهارده
يا حيرتي يا ناري
الجعفري
شكرا عالافادة
اميرة حبي انا
ميرسي عالثقة الغالية
وعلى انك فكرتيني بحكمة كنت ماشية عليها وانا صغيرة
على فكرة انا بصلي استخارة كل يوم
بس كل اما اصلي استخارة يجيني عرض جديد
emos
الشغل اللي انا فيه دلوقتي مصيبتو اني ما فاصلتهمش كويس في الاول
مش ه عيد التجربة تاني
انا ح طق منهم بجد
يا بنتى عادى مش مهم الفصال لو مخدتيش منهم فلوس هاتخدى منهم خبرة اوعى شغل يقبلك و انتى تقولى لأ اقعدى فى على الاقل 6 شهوور عشان متبقيش طلعتى من المولد بلا حمص او اشتغلى فية لحد متلاقى غيرة
emos
اكيد مش ح قول لأ على حد قبلني
خاصة لوكان بمستوى الشركة اللي قبلتني دلوقتي
وللعلم انا مع الشركة اللي بشتغل معاها دلوقتي بمرتب هايف نسبة للشغل اللي بعملو
والشركة الجديدة مباشرة عطتني ضعف المرتب
مع ان معنديش خبرة في نفس المجال
انا بقصد تفاصليهم انتي ح تشتغلي ايه بالزبط عشان متبصيش تلاقي نفسك بتشتغلي كل حاجة زي ما حصل معايا
وبالنسبة لموضوع الست شهور انا بوافقك الرأي تماما
تحياتي
مبروك.. بطلي قلق وركزي في اللي ناويه تعمليه وكله هيبق فل ان شاء الله
إرسال تعليق