الثلاثاء، 6 فبراير 2007

عالم عيال عيال

الحكاية وما فيها اني ماكنتش عارفة ايه يعني العيال
لغاية ما جربت اني لحد دلوقتي ما عنديش
بحس اني مخنوقة طول النهار
عيال ايه يا شيخة تمتعي بحياتك.....قالتلي جارتنا اللي عندها خمسة بعيون العدو
لكن انا مابقيتش قادرة
حاسة ان البيت كبير علي انا وجوزي بس
وناس كتير اتجوزت بعدي وبقا عندهم اطفال
والشاطر فيهم بيقول
يللا مستنين ايه؟ شدو حيلكو وهاتولنا حتة عيل
هو بيتباع بالحتة في السوبرماركت واحنا مش عايزين نجيبو؟؟؟؟
حد يجاوبني يا ناس
لا و اهلو مش بيطيقو يقعدو معايا غير اما يسمعوني الموشح اياه
وارد واقولهم اصلو هو عايز كده (احنا اتفقنا نقول كده عشان ما يدايقونيش)
ماترديش على جوزك ...يا ستي ماردش عليه ازاي بس؟؟
وعلموبنات اختو الصغيرين يقعدو ويسمعوني النشيد الي حفظتهولهم التيتة المصونة
عايزين بيبي نلعب معاه
انتي مش عايزة تجيبيلنا بيبي زي ماما ليه يا طنط؟
بثي (يعني بصي) ماما فيه جوا بطنها بيبي وح تجيب لنا اخ نلعب معاه
ما تجيبي لنا انت كمان (الموضوع سهل اوي كده)
بقعد في الاوضة لوحدي وبعيط
مش عارفة اهدي نفسي ازاي
ولا عارفة اشيل الموضوع من بالي
ولا قادرة اصلا اشوف واحدة حامل في التلفزيون الا واعيط
واديني ابتديت اعيط دلوقتي اهوه
يااااه انا تعبت بجد
يا رب ارزقني بقى
ادعولي
تحديث
عيال...انا لقيت كليب حلو اوي
رفع روحي المعنوية جدا
شكرا ليكي يا انسانة

هناك 42 تعليقًا:

Unknown يقول...

حبيبتى الحمد لله إنك زورتينى عشان اتشرف بمعرفتك

بصى هو مافيش حد مستريح خالص

اللى مش متجوزة نفسها تتجوز
واللى مش عندها عيال نفسها تخلف
ده غير إن المجتمع الخنقة بيخنق الواحد اكتر ماهو مخنوق اساسا

بس برده لازم نرضا ونقول الحمد لله على كل حال

ربنا يارب يفك كربك ويرزقك الذرية الصالحة البارة بيكى وبزوجك اللهم آمين

Ahmed Shokeir يقول...

3agabtny fadfadtek 3an nafsek be elbasatta di we ne3oma di

:)

thanks Allah all the time

walaaz يقول...

ربنا يرزقك بكل الخير ان شاء الله

مش عايزة كلامى يكون قاسى أو منفر, بس لازم تعوديهم أن ملهمش دعوة والموضوع ميخصهمش
مجرد تردى أن لما ربنا يأذن وتقفلى الباب فى وشهم

وأنتى حاولى غير الدعاء تأقلمى نفسك على الوضع الحالى حتى يأذن ربنا ويرزقك

وزى ما قال أستاذ شقير ,,الحمد لله فى كل قت وحين

غير معرف يقول...

أنا أحسدك
أنا أحسدك
أنا
أ
ح
س
د
ك

فلة يقول...

ميرسي اوي لكل اللي ادوني من وقتهم وقرأو البوست ده
انا بجد هديت اوي لما قريت الكومنتس بتاعتكم
وربنا يجزي اللي دعولي خير ان شاء الله
انا اللي تشرفت بمعرفتك يا انسانة وتبين لي ان الجمال الداخلي مش ممكن الواحد يخفيه ابدا مهما حاول
ربنا يديكي ويرضيكي
والحمدلله دايما يااحمد خاصة لما بتزورني في البلوج هنا
walaaz
انا عايزة اقوللك ان كلامك مش قاسي ولا حاجة
هم الناس اللي بقو قاسيين
حماتي قعدت 7 سنين اول ما اتجوزت ما بتخلفش !!!!!!!!!بدون تعليق
اما انتي بأى يا زرافة
بتحسديني على ايه بالزبط
والا انتي عايزة تحسدي كده وخلاص

غير معرف يقول...

عزيزتى للاسف فى ثقافتنا العربية لانقدر خصوصية مثل هذة الاشياء ويعتبر النقاش والتساؤلات فيها مباحة.لا تكتئبى او تزعلى التفكير فى الحمل (طبيا يوخره )انا واحدة من النساءاصبت بالاجهاض المتكرر وهو اسوء من عدم الحمل ولكن ارادة الله فوق الكلل انجبت وانا فى الاربعين من عمرى
دعك من مهاترات الاقارب مدام زوجك قانع وراض وتعشمى بالله خيرا ولاتسمح للمتطفلين ودعائى لله الا يحرمك من هذة النعمة

فلة يقول...

فعلا التفكير في الحمل بيأخره؟؟؟؟؟
ميرسي انونيموس

الربان يقول...

تحياتي ... و الله انا مقدر ما أنتي و زوجك فيه...و الكل لازم يعرف ان هذا الموضوع ليس بيد إنسان... ربنا سبحانه و تعالي قال " يهب من يشاء اناثا و يهب من يشاء ذكورا و يجعل من يشاء عقيما ...."

دائما ادعي بدعاء سيدنا زكريا عليه السلام : ربي لا تذرني فرد و أنت خير الوارثين ..."

أسأل الله العظيم رب العرش العظيم أن يرزقك و كل من يشاء الذرية الصالحة و أن يوفق الجميع .

غير معرف يقول...

بصي اهم حاجه انك تشيلي الناس من دماغك

انا بمر بنفس التجربه

و لما حملت بعد سنين فقدت الجنين و الحمد لله و بدون اسباب سوى انها مشيئة الله

حماتي بقى لا تتدخل في الموضوع
على العكس
لو لقيتك زعلانه يحسسوكي ان مش من حقك تزعلي
وده له اسبابه عنهم
طبعا انتي فاهمني

خير الامور الوسط
يعني الناس لا تعلق زياده
و لا ما تسألش عنك خالص

لكن الشعب المصري غريب


في الاول كنت عايشه و لا بيهمني
باستمتع بحياتي و بعدين فجأه حسيت ان الحياه محتاجه معنى تاني محتاجه حاجه نتجمع عليها انا وجوزي كهدف

اسوأ تجربه مريت بيها لما واحده تخاف على بنتها او ابنها مني من الحسد

قد ايه ساعات الناس بتجرح

بس ربنا كريم
جاعل محبتي في قلوب الاطفال بشكل رائع و الحمدلله - فضل منه مليش يد فيه- ايمانك بالله حيهديكي

قلبي معاكي فعلا
و تحياتي

فلة يقول...

انا فعلا مقدرة كل اللي بيعلق على البوست ده
لاني حاطة فيه حاجة من روحي



انقطعت عن الكتابة فترة عشان الاكتئاب اللي كان حاصللي
بعدين فكرت اني اكتب المشكلة نفسها
وما كنتش غلطانة
الحمدلله ربنا بعتلي اللي يواسيني
شكرا للربان

اما الانونيموس
فأنا بجد بشكرك عشان حسستيني اني مش وحدي في الدنيا دي اللي عندي نفس المشكلة
وف كل مرة بقول
مش حاحسس الست الحامل اللي قاعدة جنبي باني ببص على بطنها بفضول
فعلا الناس بتخاف تتحسد
وده حقهم
عشان مش بيعرفو اني من قلبي بتمنى للكل الخير
ربنا يرزقني ويرزقك الذرية الصالحة يا انونيموس العسل
ويرزق كل اللي معندهومش عيال ونفسهم فيهم لسه

NOHA يقول...

حبيبة قلبى
لما قرات عالم عيال عيال حسيت انك قريبة منى قوى
مش عارفة ليه اتاثرت بيها و لقيت نفسى بكتب الرد على طول
عاوزة اقول لك على حاجى انا لسة ما اتجوزتش و بابا و ماما ماتوا
علشان كدة بحس بالوحدة و على فكرة انا مش وحشة و باشتغل فى حته كويسة لكن كل اللى بيتقدموا ليه بلاقى دماغى غيرهم
انا بقولك الكلام دة لأن فى العيلة و برة العيلة تلاقى كلام بيتحدف ذى الطوب ذى مثلا ربنا يبعت بقى او امت هتتجوزى انت كمان
هو انت مش هتتجوزى بقى
لدرجة انى كرهت اروح لاى كوافيرة علشان ما شوفش عرايس
كمان بقيت اتعلل باى اسباب علشان ما احضرش افراح حد و اسمع المقولة الشهيرة عقبالك بقى انت المرة الجاية كل اللى باعملة انى اصلى لربنا و اشتيكى له حالة و اطلب منه انه يهدينى و يفرحنى
عارفة لو الناس يسيبوا الواحد فى حالة كان ما يبقاش فى مشكلة
لكن الناس بتتفنن تفرسك ازاى و كلامهم بيكون سكاكين بتقطع فى الواحد و على كل دة لازم نظهر بمظهر كويس كان ما فيش حد زعلنا و نرسم على وشنا ابتسامة رغم اننا بننزف من جوانا حبيبتى كل الى عاوزة اقوله لك ادعى ربنا كتير و كل لما تحسى انك متضايقة صلى و ادعى انه يهون عليك و يخفف عنك و يرزقك ان شاء الله

Nohaz يقول...

بسم الله الرحمن الرحيم
انا صديقتياتجوزت من 5 سنيين
و اخيرا بقت حامل
شهر
و البيبي نزل
5 سنيين
و راضية و صابرة و محتسبة عند ربنا

اولا ده رزق ربنا بيكتبه

ثانيا
اخرجي
اشتركي في ايروبكس
اتفسحي انت و جوزك يومين في اي فندق
او حتي داي يوز في فندق
غيري جو

Ayat يقول...

أختى العزيزة فلة .. ربنا يرزقك بالذرية الصالحة اللى تفرح قلبك و تسر عينك و ترفع راسك فى الحياة الدنيا و يكونوا تاج على راسك فى الحياة الآخرة .. و تدخلى على حسهم الجنة ان شاء الله .. وكل شىء بميعاد .. و ربنا هيكرمك ان شاء الله .. بس ماتنسينيش فى الحلويات بتاعة السبوع :) ربنا يفرح قلبك

www.blogs4arab.com يقول...


يسعدنا تشريفك
www.blogs4arab.com

فلة يقول...

noha
بحب اقوللك اهلا وسهلا في الاول
بس استغربت من مقدار التشابه العجيب
اصل انا كمان اتأخرت في جوازي
وبقيت بشوف كل صاحباتي بيتخطبو وبيتجوزو وحفلات والذي منو وكنت بلاقي نفسي ببعد عن البنت اللي تتخطب تلقائيا
عارفة؟
كلامها بيتغير
تصرفاتها
كل حاجة فيها بتخليني ابعد واخاف لاحسدها بجد
وكنت زيك كده ما بحضرش افراح
ويوم ما يكون فرح واحدة اعرفها او صاحبتي ويتصلو فيا عشان اروح ما كنتش برد عالتلفون
واحاول اني اعمل عيانة واروح اوضتي واقفل على نفسي الباب واقضي الليل كلو بعيط
الحمدلله ربنا كرمني وتجوزت
بس لحد دلوقتي بحس ان كل الناس امورها وحاجتها متيسرة اكتر مني
استغفر الله العظيم
لسه مبارح بالليل كان جوزي بيفكرني بنعم ربنا وبيقوللي فكري بالنعم اللي ربنا مديهالك مش ح تقولي كده
واحمدي ربنا
يمكن تكوني انتي اللي مقصرة ف حقو
فأنا بحاول من النهاردة ان شاء الله
وربنا يسعدك حبيبتي ويفرح قلبك
عشان لما ربنا بيطول عشان يديكي حاجة بيكون مخبيلك حاجة حلوة اوي اكتر ما كنتي تتخيلي
وان شاء الله ربنا يسعدك قريبا
على فكرة
لما تدعي ربنا قوليلو يا رب اتجوز بسرعة
انا كنت بعمل كده
وسبحان الله لما جه النصيب
جه بسرعة اوي وكل حاجة الخطوبة والفرح كانو يعني اقوللك ايه؟ ساروخ
ربنا يسعدك مرة تانية يارب

nohaz
مشرفاني
والله يا حبيبتي انا عارفة الكلام ده كلو
والحمدلله ربنا اكرمني واشتغلت ووقتي فل دوامين صبح وبعد الضهر
ما برجعش البيت لغاية 8 بالليل
واديني بكتب في بوستات


me
ربنا ييسر الحال
واول حد ح يتعزم هو انت
ميرسي اوي


www.blogs4arab.com
انا بقيت هناك اهوه

كلام لوجيك يقول...

اختى الكريمة فله
كل شئ بيد الخالق
وعلى الانسان انتهاج الصبر كسياسة وعبادة
ومهما فعلتى فلن تنولى رضاهم ، فالاجدر ان تنولى رضا الخالق عز وجل
وكلنا مررنا بقصص مشابهة او حتى سمعنا ورأينا حكمة الله فى عبيده وما يحدث لهم
عمتى مثلا لها ولدان
تزوج الكبير وبعده بسنتان تزوج الصغير ورزقه الله بالذرية قبل ان يرزق اخيه الكبير
وبعدها بسنة اتم الله فضله على اخيه الكبير ورزقه بطفل جميل
هذه الامور كلها بترتيب وبمشيئة الرحمن

زوجة جارنا ظلت تفقد جنينها 5 مرات حتى من الله عليها بأربعة توائم فى المرة السادسة

تقربى وتضرعى الى الله بالدعاء وباذنه تعالى ستجدين ما يسرك

الاهم فى الموضوع ... هو الرضا بقضاء الله

اللهم تقبل دعائها واطعمها ما تتمناه

خالص تحياتى ودمتم جميعا بالف خير
اسامه سامى

الحصان الأسود يقول...

بكرة تتمني يوم من ايام الهدوء والراحة وتقولي فين ايام زمان قبل العيال والهم والدوشة ووجع الدماغ

بكرة الاطفال ييجوا وتلاقي جوزك بينام في اوضة تانية بالشهر ماتشوفيهوش جنبك في سرير بسبب زن وعياط المحروس بالليل

بكرة تشوفي جوزك بيتضايق من اهتمامك بابنك وانك مش مهتمة بية ولا بأكلة ولا لبسة ولا البيت واهتمامك منصب بس عالمحروس الصغير اللي جايب لجوزك الأرق و الصداع ومزود استهلاكة من البنادول

العيال بتيجي من الباب والحب بيهرب من الشباك

اللي قال كدة ماغلطش

أسوور يقول...

كله بييجى بأوانه

العيال رزق وربنا بيبعته وقت ما يريد

هم متعبين وبكرة تعرفى لما تبقى أم بس برضه ما زالوا زينة الحياة الدنيا

انتى ما قلتيش بقالك قد ايه متجوزة عشان تبقى متضايقة كدة وعشان الناس تفضل تزن عليكى وأهل جوزك يقرفوكى كدة

أنا شخصيا اتاخرت فى الإنجاب واول طفلة جبتها وعندى 32 سنة وبعد ما خلفتها ما استعملتش أى موانع وقلت لنفسى انى حملى عزيز

لكن كانت مفاجاة لية انى حامل وبنتى عندها 8 شهور فى بنتى التانية

أنا لفيت على دكاترة مصر كلها واخدت علاج كتير باثمان باهظة ومش هتصدقى انى حملت لما دكتور ادانى حقنة تمنها جنيه ونص وقلى تاخديها لمدة تلات شهور واحدة بس كل شهر

وبعد الحقنة التانية فى الشهر الثانى من العلاج لقيت نفسى حامل وما أخدتش التالتة ابدا

والحقيقة ان كتير من صديقاتى ومعارفى حملوا بنفس الطريقة بعد كدة عند نفس الدكتور وهو صغير السن وليس من المشاهير

daktara يقول...

يارب يرزقك بالولد الصالح يا رب
اللهم امين
بس علي فكره اما تعيشوا حياتكوا شوية من غير عيال بتهيألي احسن
مش عارف يمكن يكون رائي غلط

غير معرف يقول...

ساكاماكا
شكرا عالدعم المعنوي
الحصان الاسود
شكرا عالتحطيم المعنوي
عادي
يا سمين
بحب اقوللك اني بقالي متجوزة سنة وست شهور بالزبط
الحكاية مش بعدد الايام
بصي بأى
انا جوزي مش اكبر اخواته
ومع ذلك اول واحد بيتجوز في عيلة عندها اربع ولاد
والالذ ان عندو اخ اكبر ومش متجوز حتى
والدته اللي هي حماتي قعدت اول سبع سنين ما بتخلفش
بعدها خلفت سبع عيال
ما يعني انها كبيرة في العمر وعايزة تشوف احفادها
وده غير انها ف وقتها ما كانتش بتتعالج وكانت كده سايباها على الله
واما راحت للدكتور لزمها علاج لا يقل عن سنتين
وماحدش ضامن عمرو زي ما بتقول
فلذلك عايزانا نسعى في الموضوع
مش عايزة اننا نسيب نفسنا كده وبعدين نتعالج بتاع سنتين وهي تفضل كده مستنية من غير ما تشوف ضنا يا حبة عيني
وبعدين بالنسبة للعلاج البسيط اللي بتقولي عليه
يا ريت تبعتيلي ايميل والعنوان واضح في الصفحة الرئيسية للبلوج وتقوليلي ايه هو الدوا اللي خدتيه
وميرسي خالص على مشاركتي تجربتك


daktara
رأيك مش غلط ابدا وهو اللي كان رأينا في الاول
لكن لو ماكنتش متجوز بكرة ح تتجوز وتشوف
وربنا يرزقك الخير والنجاح

عبدالله يقول...

بوست جميل قوي وحزين قوي علشان نابع من القلب وبيناقش بجد ظاهره خنيقه جدا في المجتمع المصري موضوع ان اي حد يسأل اي اتنين مجوزين ليه مفيش عيال او امتي او مفيش ده شخصيه عديمة الذوق مش مقدر الناس ممكن يكون عندها مشاكل و مستحملين نفسهم بالقوه يحي هوا كمان يرخم عليهم و لا موضوع الحموات المستعجلين ده حاجه تفقع برضه بس نقول ايه اهه تراث شعبي متوارث

بالنسبه ليكي طبعا محدش ينكر ان الاولاد نعمه ده ربنا بيقول
" زين للناس حب الشهوات من النساء والبنين والقناطير المقنطرة من الذهب والفضة والخيل المسومة و الأنعام والحرث، ذلك متاع الحياة الدنيا، والله عنده حسن المآب. قل أؤنبئكم بخير من ذلكم؟ للذين اتقوا عند ربهم جنات تجري من تحتها الأنهار ، خالدين فيها، وأزواج مطهرة، ورضوان من الله والله بصير بالعباد"

فهي نعمة ربنا مش بياجلها للمتقين غير و مدخر ليهم حاجه اجمل بكتير
طيب ايه الي تقدري تعمليه في ايه بتقول" فقلت استغفروا ربكم انه كان غفارا * يرسل السماء عليكم مدرارا * ويمددكم باموال وبنين ويجعل لكم جنات ويجعل لكم انهارا "
يبقي من اهم طرق طلب الرزق و البنين من ربنا هي الاستغفار ومش استغفار عادي لا لازم يكون مداومه علي الاستغفار بنيه ان ربنا يرزقك اطفال ان شاء الله حافظي انتي و جوزك عليهم هتلاقي فتوحات من ربنا ان في حديث بيقول "من لزم الاستغفار جعل الله له من كل هم فرجا ومن كل ضيق مخرجا , ورزقة من حيث لا يحتسب "
وفي ناس كتير نعرفهم و نقرأ قصصهم بيكلموا ازاي الاستغفار فرق معاهم كتير
وده برضه نفس الكلام الي بوجه للبنات الي مضايقين من التاخير في الجواز مش تحزني ابدا و كوني عندك ايمان بالقدر خيره و شره و اطلبي من ربنا و استغفري كتير هيفتح عليكي من عنده وكل تاخير يكون عندك ثقه ان ربنا رايد ليكي الافضل دائما

تحياتي

محمد عبد الغفار يقول...

مش هعد اقلك دباجات محفوظه

عسى انت تكرهوا وعسى انت تحبوا (أظن مفهومه دى) فهقلك بس ربنا يقدم لك الخير وهو أعلم بالخير فين

واهم شئ ان التوتر اللى انت فيه ده علمياً بيأخر الحمل اليقين بالله والرضا بجد بقضائه اياً كان هو الحل الحقيقى

غير معرف يقول...

بارك الله فيكي وفي زوجك ورزقكي عشرة بنين تقتلين انتي وهم جميعا في سبيل الله آمين
كل اللي يقرا يقول امين
آآمين آمين آمين آمين

آمين آمين آمين آمين آمين آمين آمين آمين
آمين آمين

الربان يقول...

اللهم أعطي كل سائل سؤله... و فرج الهم و الكرب... و يسر لاصحاب الحاجات و ارزق الجميع بكرمك يا ارحم الراحمين بلا حساب...اللهم آمين

أسوور يقول...

فلة

انا طبعا مش فاكرة اسم الدوا للاسف لكن هابعتلك اسم الدكتور وعنوان المستشفى بتاعته لأنه عنده مستشفى للولادة فى المهندسين - شارع جامعة الدول العربية - بجوار موكيت سنتر فى ميدان مصطفى محمود
واسمه عماد حسنى وهو ابن الطبيب الشهير اسماعيل حسنى رحمه الله وهو يجمع بين خبرة واده والحديث فى الطب
ولكن مشكلته الحقيقية فى المواعيد الزفت بتاعته والزحمة الفظيعة اللى عنده على طول

تليفونات العيادة
3377305
3377205
موبايله الشخصى
0101559292

فلة يقول...

معليش يا جماعة انا بقالي اسبوع ملخومة اوي في الشغل
على العموم
عبد الله شكرا اوي على النصائح العطرة
محمد عبد الغفار
الجعفري
مقدرة مروركم عالبوست بتاعي
وحبيت الدعوة بتاعة الجعفري اوي
الربان
شكرا للدعاء
وياسمين حبيبتي
ميرسي اوي على تعبك معايا
بس من المستجدات في الموضوع ان جوزي مش راضي يروح لدكتور ولا يجيب سيرة الموضوع لانو بيشوف ان لسه بدري على ده
وانا محتسبة ومقدرة شعوره
لكن اول ما افكر اروح دكتور ح روح للدكتور اللي قلتيلي عليه
جزاك الله كل خير

Music Gates يقول...

اولا انا يمكن اصغر بكتير منك و كدا ومش عندي خبره كافية او عموما انا مليش خبره في الحياة الزوجيه بس انا من رائي حاجتين الاول الحياة الزوجيه او الحياة الي بتكمن في اتنين المفروض انها مش يدخلها تالت و مش اقصد الانجاب انا اقصد العائلات و الاصدقاء و الا فهي قريبه للاصابة بفشل زريع و يمكن انا شفت تجارب ادامي من الناحيه دي ما لا يقل عن 6 او 7 مرات و من ناس مقربة ليا جدا جدا دي حاجه الحاجه التانيه المال و البنون هم زينة الحياة يعني انت دلوقتي بتقولي انكوا مش عايزين تخلفوا علشان تعيشوا حياتكم بس لحظظه الي بيقول كدا ده اساسا تعيس في حياته او الي بينصحكوا بكدا فهو تعيس لانه مش عارف يبني بيت منظم و انا انصحيك بالانجاب علشان تقدروا تربوا طفلكم و تستمتعوا بيه قبل فوات اي اوان او تحسوا بندم ما في ناس كتير عندها اولاد و عايشه حياته و الاطفال دي نعمة و ربنا بيهبها لينا و بيزرقنا بيها تبقي في ايدينا و اننا نقدر نحمد الله عليها و ناخدها و لا نسيبها و نتركها و هههههه خلفي و لو اتخنقتي اقتليه ههههه عادي جدا هههه بس صدقيني بلاش حكايات عن الحياة الزوجيه الا زي مثلا ما انتي عامله دلوقتي ناس مش تعرفيها و لا تعرفيك بتكلمي مع ناس مجهولة و مش تدخلي حد في بيتكم و المفروض تسائلي زوجيك فيها انه المفروض هو الي بيبني الجدار ده علي بيته و ربنا معاكم و اي خدمه انا موجود اانا خبير نفسي هههههههه

فلة يقول...

يا كوبا يا خبير يا نفسي
احنا ما بنقولش اننا مش عايزين نخلف عشان نتمتع بحياتنا
مش لما ربنا يرزق يابا
ما تبقاش زي حماتي بأى
بعدين احنا ما بنتكلمش في الموضوع كده في الساحات العامة
الناس بتسأل كل واحد مننا لوحدو
انتو ما عندكوش عيال لسه؟
لا
طيب ربنا يرزقكم
وكان العيال سبب من اسباب استمرار الحياة الزوجية
ان كان عليا انا بدعي ربنا وبقول يا رب ارزقنا الذرية الصالحة عاجلا غير اجل ويا سيدي ان شاء الله النهارده اطلع حامل لاني بحب الاطفال جدا
وشكرا جدا بكل الاحوال على الخبرة النفسية وعلى الزيارة الكميلة يا كوبا
وابقى شرفنا تاني كتير

Yasser Hussein يقول...

كل شيء بأوان ولو علمتم الغيب لأخترتم الواقع .... لعله خير
ياسر حسين
فنان كاريكاتير

أميرة البلطجية يقول...

فلة فلفوله
انتي عارفة..انا بقي لسة متجوزتش وعايشة سيناريوها زي اللي انتي عايشها بس شيلي الجمل اللي بتتقالك وحطي جمل زي "مش حنفرح بيكي بقي" "هم الرجالة انتطسوا وله ايه" الي اخر هذا القبيل
وعشان انا مش ناوية اعملك دراما حقولك تعالي عندي في البلوج اقري البوست بتاعتي بعنوان "واحد اتنين السعادة فين"
نظرة تحليلة للموضوع
حبيبتي..ان كان على كلام الناس
اتعودي عليه وكبرى دماغك
لان الكلام مبيخلصش
اما ان كانت المشكلة في رضاكي بنصيبك
فتعالي اقرى البوست
وربنا يباركلك في زوجك ويجعله قرت عين ليكي
وان شاء الله يرزقكوا الزرية الصالحة قريب اوي

islamventura يقول...

اظن ان فى ناس نا بتكونش لاقية كلام
و فى الكلام هو كسبان او خسران
و ما فيش حد بيحب يبات الا و هو كسبان
و لو خسر يقول يابخت من بات مغلوب و لا بات غالب

غير معرف يقول...

كارتونيا
شكرا عالدفع المعنوي
اميرة حبي انا
شكرا لانك شرفتي البلوج المتواضع بتاعي
وانا فعلا قريت البوست اللي قلتيلي عليه
معاكي حق
ربنا يرزقك بابن الحلال اللي يستاهلك
والحمدلله انا مقدرة نعمة الجواز بس عين ابن ادم فارغة
اسلام فينتورا
thanks

Haitham Abu Akrab يقول...

عارفه الوحده هي سبب الموضوع ده كله
علي فكره


طول منتي بتفكري ف الموضوع

هيزيد اكتائبك منه
وف الاول و الاخر كلو علي الله

غير معرف يقول...

بجد انا مبحبش الموقف دا اللى انتى فيه ومبحبش الكلام اللى بيتقال فى المواقف دى من طرف العيله ربنا يعوض عليكى وينصرك عليهم

Blank-Socrate يقول...

فله انا فاهم و حاسس لكن انت لسه متعرفيش ان لكل انسان تجارب و الآلام لازم يمر بيها علشان تمتحن صبره و ثقته فى ربنا خلى ايمانك ان ربنا يقدر يعمل اى حاجه ... لو الصالح و المناسب ليكى الاطفال الان ربنا مش هيبخل و انشاء الله لما ربنا يرزقك بطفل يا ريت يطلع بيخاف و يحب ربنا

كراكيب عادل يقول...

الموضوع باختصار شديد ان ندع الاسباب ونذهب الي مسبب الاسباب الدعاء الصادق واللجوء الي الله عن تجربة

أُكتب بالرصاص يقول...

دعواتي الصادقة الخالصة
لك


ربنا يرزقك الذرية الصالحة

safa7_karmooz يقول...

ااقولك حاجه ظريفه...اولا متهتميش بالكلام اللى بيقولوه ...

ثانيا ..الواحد لازم بيرضى بقضاء ربنا ..ومنعترضش عليه ...ونحمده على كل شىء سواء حلوة او وحشة ..

وكمان مين عارف ...مش ممكن يكون امتحان من ربنا ليكى ...يشوف مدى صبرك على الابتلاء...

وممكن يكون مش مقسوملك فى الدنيا اطفال...بس ممكن فى الاخرة

معنى كلامى اللى عاوز ااقوله انك بصى للموضوع من كل الزوايا ...ومتقعديش تقولى اشمعنى انا ....قولى طب مش ممكن يكون ربنا منع عنى حاجه واعطانى حاجه غيرها ...

زى كده مثلا ...

بس وكفاية عليكى احنا ...الكتاكيت اللى لسه مكملوش 21 سنة :D

انا والدى واحنا راجعين بالليل مع بعض من 3ساعات كان عاوز يسربنى لاقرب واحد عاوز واد..هههههههه

اضحكى يلا بقى ...

ونايس مدونة على فكرة ..:)

غير معرف يقول...

عايزة اشكر كل اللي مرو وتركو تعليقاتهم
ربنا يخليكم
وانا بجد تغيرت اوي بعد البوست ده
بس ضحكني اوي سفاح كرموز على فكرة

سمسمة يقول...

حبوبتي فلة وحشتيني مرغناش إنهاردة زي كل يوم مشعارفة كتبتلك زنا حلجة قبل كدة وصلتك ولا هتخنقيني

سمسمة يقول...

شكلها موصلتش
بصي زنا كنت كتبالك رني بحبك قوي يا فلةومشعارفة رتعلقت بيكي كدة ليه بس إنك تستاهلي وقلبك أبيض تمام زي إسمك فلة ورن شاء الله يا حبيبة قلبي ربنا يكرمك بالذرية الصالحة بس إنتي إدعي ربنا دايما وزنا بدعيلك من قلبي يا فة والله هتفرج بإذن الله رن بعد العسر يسر والحمد لله علي كل حال بس عايزة ققولك رن من يوم معرفتك ورنتي مالية عليا الدنيا زي إخواتي تمام وربنا يديلك علي قد إخلاصك وقلبك الأبيض ومتزهقيش مني والنبي علشان موضوع التكنولوجيا إال ملخومة فيه إنتي عارفة

Unknown يقول...

بصي حبيبتي لما قريت موضوعك عيطت لاني و الله حاسة بيكي لانو كمان زوجي عقيم و مش ححكيلك علي الفراغ الي عايشة فيه وعلي الدموع الي بنزلها كل يوم هو سهل اي واحد ينصح بس الي مجرب ما يقدر يلومك و يقولك اصبري عارفة كل دا بس الي عاوزة اقولو انو ملناش غير ربنا سبحانو نشكيلو ونبكيلو هو بس الي في ايدو الحل انا مش حقولك علي حالتي بقت ازاي عاملة لما الطبيبة قالتلي انو حالة جوك ميئوس منها بكيت كتير فوق ماتتصوري بس بعدين فهمت انو بقيت في ايد ربنا سبحانو وانو في مليون وحدة زيي او اكثر مني عشان كدا لازم نحمد ربنا كتير